Ханна Чумакова
Нарадзілася 7 жніўня 1984 года ў горадзе Рагачове Гомельскай вобласці. Там скончыла сярэднюю школу №6 і літаратурную студыю «Дакрананне» пад кіраўніцтвам Ю.П.Арыстава.
У 2006 годзе атрымала спецыяльнасць настаўніка беларускай мовы і літаратуры ў Гомельскім дзяржаўным універсітэце імя Ф.Скарыны.
З 2007 года жыву і працую ў Менску.
Паэтка, бард, рамеснік.
З 2009 году займаюся дэкорам, афармляю прадметы інтэр’еру, ствараю вясельную атрыбутыку. Працую ў розных тэхніках і накірунках, асабліва захапляюся дэкупажам. Таксама цікаўлюся самаробным мылам.
З’яўляюся экспертам у сферы ўпакоўкі падарункаў.
Мае працы характарызуюцца вытанчанасцю (што часам мяжуе з мінімалізмам) і рамантычным захапленнем прыгоднымі матывамі. Спалучэнне розных тэхнік і накірункаў стварае атмасферу творчага хаосу, які неабходны для дасягнення гармоніі душы і цела, духоўнага і зямнога, будзёнага і ўзвышанага…
Усе мае працы маюць не толькі эстэтычнае, але і прамое функцыянальнае прызначэнне, каб аздобіць прыгажосцю кожны момант жыцця, падарыць крыху цеплыні і радасці 🙂
Дэвіз жыцця і творчасці: Ад пяшчоты рук – да радасці сэрца!!!
Мая старонка на Стихи.ру